Dawlada UK oo dhalinyarada Wadankeeda ka caawinaysa inay Guryo iibsadaan.

Kumanaan Guryo ah oo loogu talagalay dhalinyarada guryaha ugu horeeya iibsanayso ayaa la dhisayaa, sida ay sheeg dowladda Britain.

Soddon meelood oo ku yaala gobolka England ayaa heli doona lacag dhan £1.2 bilyan, oo loogu talagalay mashruuca “Starter Homes Land Fund” oo lagu dhisayo guryo cusub.

Dhalinyarada guryaha iibsanaya waa inay da’dooda u dhaxaysaa 23 ilaa 40 waxayna helayaan guryo ugu yaraan ka raqiisan 20% inta ay suuqa ka joogaan.

Laaakiin, mid ka mid ah dadka ku xeel dheer guryaha ayaa BBC u sheegay in waqtiga guryaha lagu dhisayo ay tahay wax adag in lagu guulaysto.

Mashruuca Starter Homes Land Fund, ayaa markii ugu horaysay ay dowladda ku dhawaaqday sanadkii 2014, waxaana loogu talagalay inay dad badan guryaha ku iibsadaan.

Guryaha la raqiisinayo ayaa ah kuwo qiimahoodu yahay ilaa £250,000 guryaha London banaankeeda ku yaala, iyo kuwa London ku yaala ee qiimahoodu yahay £450,000.

Wasiirka guryaha Gavin Barwell ayaa sheegay: ” Dowladiisa inay ka go’an tahay inay dhisto guryo lagu caawinayo dhalinyarada inay gurigooda ugu horeeya iibsadaan.

Degmooyin cusub

Soddon xafiisyada deegaanada ayaa la doortay iyadoo la eegay sida ugu dhaqsaha badan oo ay u dhisi karaan guryaha. Deegaanadan waxaa ka mid ah Blackpool Council, Bristol City Council, Sheffield City Council iyo Luton Borough Council. Guryaha ayaa la filayaa in la iibgeeyo 2018.

Laakiin isagoo la hadlaya BBC, Christine Whitehead, oo ah Professor dhaqaalaha guryaha (housing economics) ee jaamacada London School of Economics, ayaa sheegay “in waqtiga guryaha lagu dhisayo uu aad u gaaban ayahay, ma fududa in guryo si dhaqso ah loo dhiso, sidoo kale waxaa nagu yar xirfada” ayuu yiri.

Dowladda ayaa sidoo kale balanqaaday inay dhisayso 200,000 oo guryo markii la gaaro sanadka 2020.

Tani waa hadalkii labaad ee ay dowladda soo saarto toddobaadkan si ay wax uga qabato guryo la’aanta ka jirto UK. Waxay Isniintii sheegtay inay ka dhisayso 48,000 oo guryo 14 meelood oo ku yaala gobolka England, oo u dhaxaysa Cornwall ilaa Cumbria.

Waxay sheegtay inay dhisayso saddex degmo oo cusub oo laga dhisayo Aylesbury, Taunton iyo Harlow & Gilston, oo lagu kordhinayo degmooyin oo la dhisayo.

Dowladda ayaa balanqaaday inay dhisayso 200,000 oo guryo markii la gaaro sanadka 2020.

Bishan ayay soo saari doontaa qorshaha dowladda ee ay ku dhisayso guryaha cusub.

 

Nagala Soo Xiriir Shacabkapuntland@gmail.com

WARARKII UGU DANBEEYAY

Maxamed Carte iyo Safiirka Britian oo kawada hadley Shirka Soomaaliya 2017 ee London.
- Feb 20, 2017
Ra’iisul Wasaare Ku-Xigeenka Xukuumadda Federaalka Soomaaliya Mudane Maxamed Cumar Carteh ayaa xafiiskiisa kula kulmay ...
Dhagayso: Agaasimaha Xanaanada Xoolaha Puntand oo difaacay kiiska Daawada dhacdey.
- Feb 20, 2017
Maalintii Axadda warbaahinta Shacabka  ayaa daabacdey kiis la xiriira ol-olihii u danbeeyey ee lagu ...
Daawo: Madaxweyne Farmaajo oo Booqday Dhaawacyada Qarixii Muqdisho – (VIDEO).
- Feb 20, 2017
Madaxweynaha Dowladda Federaalka Soomaaliya Maxamed Cabdullaahi Farmaajo  ayaa xalay cusbitaalka Madiina ku booqdey dadkii ku ...
Madxweyne Farmaajo oo Caawa Mar kale Ku Celiyay, Ballanqaadkiisi Ahaa Qofki Gaari Qarax Saaranyahay Soo Sheega Waxaan Siineynnaa Boqol Kun oo Dollar.
- Feb 19, 2017
Madxweyne Farmaajo Ayaa Caawa Mar kale Ku Celiyay, Ballanqaadkiisi Ahaa Qofki Gaari Qarax Saaranyahay ...
Norway oo 7 Million Dollar ugu deeqday Abaaraha Somalia.
- Feb 19, 2017
Dowladda Norway ayaa sheegtay in Somalia ay ugu deeqday lacag gargaar ah, oo lagu ...
General Koofi oo Garowe lagusoo dhaweeyay.
- Feb 19, 2017
Taliyaha Hay’adda Socdaalka iyo Jinsiyadaha Dowladda Federaalka Somalia General Maxamed Aadan Jimcaale (Koofi) iyo ...
Farmaajo oo kulan deg deg ah isugu yeeray Hay’adaha Garsoorka iyo Maaliyadda (SAWIRRO).
- Feb 19, 2017
Madaxweynaha Jamhuuriyadda Federaalka Soomaaliya Mudane Maxamed Cabdullaahi Maxamed Farmaajo ayaa kulamo la qaatay Wasaaradaha ...